UDIN VS AMAIK ( PART 1 ) " 5 "….

“ tadi ado apo din?? Mangecek ko jaleh-jaleh lah, kalau ndak bisa, upahan ka
Urang lain”
“ takah itu bana amak mah, tu udin bapikia a yang di kecekan, tu ndak mungkin
Sumbarang kalua jo kecek udin, harus bermutu mak, jelas, sesuai dengan
Fakta”
“ ondeh mandeh, sahari anak amak sakolah, lah pandai mangecek takah itu, yo
Bangga amak samo udin mah”
“ UDIN”
“ yolah, ka mangecek apo udin tadi?”
“ tadi tu ado kawan udin, si amaik namonyo, nyo tu mambawo kalkulator ka
Sakolah, di kana berangan dek ibuk guru”
“ ooooo, itu masalahnyo, bia lah, tu urusan si amaik tu”

Jawaban dari amak si udin tu menyudahi acara mangecek inyo baduo. Udin jo amaknyo bajalan manuju ka rumahnyo. Dalam pajalanan pulang yang tadanga hanyo tapak kaki udin jo amaknyo yang mainjak-injak tanah. Ndak lamo sasudah tu, tibo lah nyo baduo dirumah. Udin langsung ka biliaknyo ntuak manuka baju, sadangkan amak si udin pai dapua ntuka mambuek masakan istemewa ka udin. Maklum, baru sahari udin sakolah alah manunjuakan parubahan yang cukup berarti.

****************

Pindah tampek wak dulu yo, kini wak pai ka tampek sia amaik, kawan si udin yang mamakai kalkulator tadi. Kalau disiko tampeknyo agak mewah stek, ndak stek lai do, yo bana mewah. Kasado urang kampuang disitu lah tau, gaek si amaik ko urang kayo gadang, rumah batingkek, oto mangkilek, pitih balenggek-lenggek, ameh sagadang ampu kaki. Tapi ibonyo, gaek amaik kaduo-duonyo lambek taruih pulang, pulangnyo lah malam, nyo sibuk mauruih bisnin yang baserak-serak di daerahnyo tu. Tapi kebutulan hari tu capek pulangnyo, maka di manfaatkan oleh si amaik kesempatan itu saelok-eloknyo.

“ pa, tadi amaik di tagah dek ibuk mamakai kalkulator”
“ baa kok di tagahnyo maik??” Tanya papa amaik sambiak mambaliak-baliak
Koran.
“ kecek ibuk tu, rancak pakai utak surang baretong, ndak elok pakai masin takah
Kalkulator tu do”
“ tu kan lah tau maik mah, manga mangadu ka apa?”
“ jadi mang ndak buliah do pa?”
“ indak anak apa”
“ tu manga apa agiahan ka amaik masin tu?”
“ apa cuma mauji amaik”
“ oooo, model tu”
“ yop nak, mandi lah lai, tu sumbayang ka surau”
“ yo pa” malangkah ka sumua ntuak mandi

Alah salasai mandi, amaik lakek baju tu pai ka surau. rumah amaik ndak jauah bana dari surau do. Kiro-kiro 100 meter lah. Ndak lamo bajalan kaki, tibo lah amaik di surau. Di surau amaik basobok samo kawan TKnyo, udin. Satalah salasai sumbayang, amaik pai mandakekan si udin.

“ dima tingga din?”
“ tu, di balakang surau”
“ rumah yang ma tu?”
“ rumah yang sederhana tu, yang ba car biru langik, kalau rumah amaik dima?”
“ ehm2”
“dek a maik?”
“ masa ndak tau udin sia awak do?”
“ indak, baa tu??”
“ lamah baa udin ko, urang sakampuang tau sia RAHMAT AIRLANGGA alias
Amaik”
“ wak mang ndak tau, baa tu?” udin bermaksud mangancehan si amaik, maklum
Gaya amaik ongeh bana nampak dek udin
“ cibo caliak rumah yang gagah di subarang jalan tu a!!!!”
“ mang ado apo di rumah tu?”
“ tu rumah awak din!!!!!!!!!!!!!!!!!” nampaknyo amain sangaik kesal ka udin
“ wak pulang lu, wak ado janji sami abak wak”
“ yolah din, basobok di TK bisuak yo?”
“ yoi”

Dalam pajalanan dari surau manuju ka rumah, amaik magecek-ngecek surang jo. Amai sakik hati bana mancaliak gaya udin tadi. Tapi sabaliaknyo, amaik memikirkan caro-caro barikuiknyo ntuak mangancehan si amaik. Nampaknyo caro tu lah dapek, masalahnyo dalam pajalanan pulang udin galak-galak surang jo. Itu patando udin dapek ide jenius baru ntuak mangancehan amaik nan banyak gaya tu.

“ assalamualaikum mak”
“ waalaikumussalam din, makan wak lai?”
“ jadih mak, udin tuka baju lu”
“ capek nak, ko abak lah manunggu dari tadi”
“ yo mak”
“ capek din, abak lah lapa a”
“ yop bak, taraaaa, udin tibo”
“capek makan din, amak masakan khusus ntuak udin yang pandai”
“ mo kasih mah, mak mang elok”

Sasudah makan, udin pai ka ruangan belajarnyo. Sadangkan abak jo amaknyo pai manonton TV. Abak jo amak nyo lah batangka-tangka. Abak si udin nio manonton berita, sadangkan amak udin nio manonton sinetron yang basambuang-sambunag tu.

“ ta, uda manonton a, lah saharian uda ndak manonton”
“ saba lah da, film ko sadang tangguang, beko tatingga lo ita”
“ kalau tatingga kajaan nah, kalau paralu pakai Honda uda tu ntuak mangajaanyo”
“ uda batele-tele jo mah, kama ka ita kajaan da?”
“ tasarah ita, ita yang mangajaan, nanyo lo ka uda”
“ yang penting ita manonton sampai jam sambilan, sasudah tu nonton lah uda lai”
“ yolah-yolah”

Samantaro itu, di ruangan baraja udin sadang merancang ide-ide jeniusnyo ntuak mangancehan si amaik. Udin selalu punyo ide candangan, kalau ide yang patamo ndak bisa di terapkan, mako ide ka duo berasksi.

Tapi …..

BERSAMBUNG

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s