Si Udin Masuak TK

Ndak taraso, ampek tahun lah lewat. Berarti umua si udin alah ampek tahun lo. Capek bana wakatu rasonyo. Patang ko si udin lahia, kini lah balita lo nyo. Bak kato urang, kalau lah umua ampek tahun tu, lah ndak baa di masuak kan taman kanak-kanak. Buliah cadiak kato urang. Pado paniang mamikian masalah tu surang, si ita badiskusi samo udanyo. Masalah keluarga tu sarancak-rancaknyo di putuihan basamo. Jadi ndak ado yang salah paham. Baa gati tu pambaco?? Lai batua ndak???

“Da, ita nio batanyo.”
“Batanyo apo ta??”
“Si Udin kan alah ampek tahun umuanyo, kalau kito masuakan nyo ka TK baa?”
“mmmmMMMmmmm.”
“Baa kok lamo bana mm nyo da?”
“Tu uda bapikia lo uda manjaweknyo.”
“Pikian lah dulu da, ita ka dapua dulu, kalau lah ado teh manih sagaleh, pasti
Capek pikia uda mah.”
“Batua t ta, capek yo.”
“Aman t da.”
“Ingek ta, gulonyo duo sendok.”
“Iyo da.”

Sambia si ta mambuek teh manih untuk udanyo. Udanyo ko lah kareh bana bapikie, ntah a yang di pikiaanyo. Ntah lai yang dikecekan si ta tadi yang di pikiaanyo, ntah indak.

“Ehm, ko da, lah siap teh manihnyo.”
“ZzZEeppP, Ahh…, yo sabana lamak teh manih yang di buek si ta ko, biati uda
Maliek nyo.”
“Alah tu, jan marayu-rayu jo lai, jadi baa?”
“Apo yang jadi baa?”
“Tu kan, uda ko biati bana mode tu, si udin.”
“Manga si udin?”
“UdAaAaAaAaAAAaaaaaaaa!!!!!!!!!!!!!!!!!!!!.”
“Iyo2, uda bagarahnyo ta, jan berang lo, si ta kalau berang tu tambah rancak
Dek uda.”
“Banyak rayu uda mah, jadi ndak baa si udin tu wak masuak ka TK do?”
“Baa yang ka rancak dek ita jo lah, uda katuju jo nyo.”
“Itu yang ita tunggu sajak tadi mah, uda ko kalau batanyo nyo ajak wak baputa- puta.”
“Ha? Baputa-puta kama ta? Dari tadi kito duduak di siko sajo.”
“Mukasuik ita tu, kecek uda tu yang baputa-puta.”
“oooooo, baitu, kecekan lah sajak tadi.”
“Arghghghgh, ita lalok lu da, bisuak pagi ka mangawanan si udin ka TK.”
“Yo ta, uda manonton lu.”

Maklum, hari minggu tu waktu bagi uda si ta, hari minggu t nyo yang libur. Jadi bisa manonton. Kalau hari-hari biaso, uda si ta tu lah latiah pulang karajo. Pulang karajo jam lapan, nyo bae sumbayang isya, abih tu langsuang maambau ka ateh tampek tidua. Langsuang bakaruah laloknyo.

**********

“Uda, o uda, jago lai, lah jam 5 pagi, sumbayang lai.”
“Iyo ta, sabanta lai, tangguang mimpi uda a.”
“Mimpi apo uda?”
“Mimpi mangawanan si udin masuak TK, baru tibo gerbang TK, alah ita jagoan.”
“Si uda bagarah jo baru, jago lai, sumbayang lai, kawanan awak mamasuakan si
Udin ka TK.”
“Iyo ta, jam bara wak maantaan si udin?”
“Jam 7.”
“Sip, uda jago lai.”

Alah salasai manjagoan udanyo, si ita manjagoan si udin lai. Anak ketek ko yang payah manjagoannyo. Harus pandai wak maambiak hatinyo.

“Udin, oo udin, jago lai nak, tapi udin ka masuak TK ndak?”
“Hmmmm, beko lah mak.”
“Beko talambek udin, ndak jadi masuak TK do, masa nak baru talambek, sagan
Wak samo bu guru.”
“Dukuang udin, baru nio udin jago.”
“Yolah nak, op padeh, barek badan anak amak kironyo mah.”
“Barek dek pahalo mah mak.”
“Ondeh, lah dapek lo pinyakik abak nyo dek si udin ko.”
“Hahahahahaha.”
“Lah tu, ambiak wudhu situ, sumbayang lai, bis tu mandi barasiah-barasiah.”
“Yo mak.”

Alah siap baberes-beres, si udin lah mandi, lah pakai baju, baitu pulo jo uda si ta. Kebiasaan pagi di keluarga si udin makan pagi basamo-samo.

“Makan kanyang-kanyang din.”
“Iyo mak.”

“Lah din? Pai wak kito lai?”
“Pai kama bak?”
“Tapi pai mamasuakan udin ka TK mah.”
“Kan jaleh tu, ndak asal pai-pai jo do.”

“Masai uda, dapek pinyakik uda dek si udin.”
“Tu baa lai ta, anak tu maniru ka urang tuonyo.”

Siap makan, udin siap-siap ka pai lai. Amak jo abaknyo baitu pulo. Lah rancak-rancak baju yang di pakainyo. Si Udin pai pakai Honda abaknyo. Si Udin duduak di muko, amak si udin duduak di balakang. Satalah 10 menit, Udin pun tibo di rumah sekolahnyo. Lah rami kawan-kawan si udin yang baru masuak.

Sasampai tibo di sekolah si udin, ka duo urang tuo si udin langsuang masuk ka kantua tampek guru-guru banyak bakumpua.

“Buk, kami nio mamasuakan anak kami.”
“oo, sia namo anak apak?’
“Syarifudin Pratama buk.”
“Gagah namo anak apak mah.”
“Tu iyo buk, apak e gagah lo, hehehe.”
“Amak rancak lo buk.” ( sambuang amak si udin )
“Oooo, baitu, silahkan apak isi biodata anak apak yang batuanyo.”

Satalah salasai maisi biodata, abak si udin ko maagiahan biodata tadi ka ibuk guru TK si udin.

“Ko buk, lah salasai.”
“HhHmmmmMMM, baik, anak apak jo ibuk lah mulai baraja kini, untuak labiah
Eloknyo, rancak ibuk kawanan anak ibuk, nyo baraja masuak jam 8 kalua jam
10, jadi Cuma 2 jam nyo baraja.”
“Jadi, ndak baa do buk, ambo memang ndak ado lo karajo di rumah jam sagitu.”
“Uda pulang dulu ta, uda pai karajo.”
“Jadi da, elok-elok yo da.”
“Yo ta.”

Akhirnyo si udin lah mulai sekolah. Nampaknyo si udin samangaik bana. Apo lai banyak kawan-kawan yang sapangkek inyo.

….………. BERSAMBUNG……………..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s